Għafas hawn biex tara u tniżżel il-programm sħiħ, ġurnata b’ġurnata, tal-Festa Ġużeppina 2023.
Nhar is-Sibt, 30 ta’ Lulju 2022, il-parroċċa tal-Qala tifraħ u trodd ħajr lil Alla għad-don tas-saċerdozzju ta’ Fr Gabriel Vella.
Segwi dan il-programm anness sabiex flimkien ngħixu mument ieħor speċjali bħala komunità.
Agħfas fuq ir-ritratt sabiex tara il-poster tal-Prima Messa ta’ Fr Gabriel Vella f’aktar dettall.
The Bishop of Gozo, Anton Teuma has appointed Mons. Edward Xuereb as the new archpriest of the parish of the Immaculate Conception and St Joseph in our community. His Excellency also appointed Fr Michael Said as our new parish collaborator.
On behalf of Radju Leħen il-Qala we would like to thank Fr Ignatius Borg and Fr Noel Debono who have served the Qala community as archpriest and parish collaborator respectively for the past 7 years. Both have provided invaluable support to the Qala community and to all those that reached out for spiritual guidance and help. We wish Archpriest Borg all the best for the new mission assigned to him by our Bishop as Rector of the Community of the Good Shepherd, Victoria, and Director of the residence for priests within the same Pastoral Centre. We also congratulate Fr Noel as parish collaborator at Munxar parish.
Moreover, Radju Leħen il-Qala congratulates Fr Krystof Buttigieg from Qala who was appointed Parish Vicar in the Parish of the Assumption of the Blessed Virgin Mary, Zebbug, as well as assisting in the Catechetical Office in the Diocesan Curia. Fr Krystof returns back to Gozo after spending the past 10 years studying and doing pastoral work in Italy.
16.08.2021
?? Programm tal-Festa ta’ San Ġużepp – verżjoni bil-Malti
?? ?? ?? ?? St Joseph Festa Programme – English version
____________________________________________________
Agħfas fuq ir-ritratt sabiex tara il-poster tal-festa Ġużeppina 2021 f’aktar dettall.
Dun Karm Xerri, bin Wenzu u Angela nee’ Scicluna, ħu Mons. Lawrenz Xerri, twieled il-Furjana f’Malta fit-2 ta’ Novembru 1934. Għadda l-ewwel snin tat-tfulija tiegħu f’Ħal Tarxien u f’Raħal il-Ġdid, f’Malta. Huwa daħal is-Seminarju ta’ Għawdex fl-1947 u ġie ordnat Saċerdot fit-18 ta’ Marzu 1961 kważi sittin sena ilu mill-Isqof Ġużeppi Pace. Huwa ċċelebra l-ewwel quddiesa solenni tiegħu fil-5 ta’ Mejju 1961 u fil-bidu beda l-ħidma saċerdotali tiegħu bħala Vigarju Parrokkjali tal-Qala mill-1961 sal-1963. Minbarra l-ħidma pastorali tiegħu f’Kemmuna, hu ta s-servizz ta’ quddies fil-quddiesa tal-ewwel fil-5.00am fil-parroċċa, kif ukoll dik tas-6.30am ġewwa Għajnsielem, fis-Santwarju tal-Kunċizzjoni u fil-Kappella tal-Madonna tal-Blat. Fl-1980 huwa laħaq Assistent Ekkleżjastiku tal-Azzjoni Kattolika fil-Qala. Ħa ħsieb il-funerali tal-Parroċċa bħala Organizzatur tal-Funerali mill-1990 sal-2016.
Huwa laħaq Rettur jew aħjar ‘Kappillan’ ta’ Kemmuna, f’Jannar tal-1963 u dam sat-8 ta’ Ġunju 2017, jiġifieri 54 sena bħala kappillan. Sa minn Marzu tal-2017 huwa irtira fid-dar fejn kien joqgħod il-Qala. Minn barra l-ħidma ta’ Kappillan, bejn l-1963 u l-1969 huwa kien ukoll Surmast tal-Iskola Primarja ta’ Kemmuna u għalhekk kien joqgħod hemm. Dak in-nhar il-popolazzjoni ta’ Kemmuna kienet tgħodd madwar il-mija. Wara beda jmur Kemmuna s-Sibt fil-għodu u jiġi lura l-Ħadd fil-għodu sabiex iqaddes għan-nies residenti tal-post, għall-istaff tal-lukandi u għat-turisti. Fil-bidu kien imur bid-dgħajsa tiegħu stess imbagħad beda imur bil-lanċa ta’ Kemmuna. Dejjem mar iqaddes anke meta kien maltemp qawwi. Huwa jqaddes fil-kappella ddedikata lir-Ritorn tal-Familja Mqaddsa mill-Eġittu.
Dun Karm huwa meqjus bħala ‘l-Anġlu ta’ Kemmuna’. Mhux faċli għal saċerdot li biex jaqdi l-missjoni ta’ Kappillan irid jaqbad dgħajsa u jaqsam il-fliegu ta’ bejn Għawdex u Kemmuna. Ta’ min jgħid ukoll li Dun Karm mhux biss kien jieħu ħsieb spiritwalment tal-komunita’ ta’ Kemmuna, fejn kien iqaddes żewġ quddisiet is-Sibt fil-għaxija u waħda l-Ħadd fil-għodu, il-qrar lir-residenti u lill-ħaddiema, jieħu ħsieb it-tiġijiet u ż-żjajjar li jsiru fil-Kappella imma kien jipprovvdi dak li hu neċessarju materjalment bħall-ikel, qadjiet u mediċina lill-komunita’ ta’ Kemmuna. Ta’ kull sena ukoll Dun Karm kien jieħu ħsieb jorganizza l-festa ta’ Kemmuna, ġimgha qabel il-festa tal-Qala. Diversi drabi l-Isqof Mikiel Gonzi, l-Isqof Gużeppi Pace, l-Isqof Nikol Ġ. Cauchi u l-Isqof Mario Grech mexxew il-Pontifikal ta’ din il-festa, kif ukoll amministraw is-sagrament tal-Ewwel Tqarbina u tal-Konfirmazzjoni lil diversi tfal ta’ Kemmuna. Dun Karm kien jieħu ħsieb biex wara jkun hemm festin mill-aqwa u ħarqa tan-nar tal-ajru.
Li saċerdot jagħlaq kważi sittin sena mis-saċerdozju tiegħu hija grazzja kbira ħafna, li saċerdot jagħmel iktar minn ħamsin sena rettur jew kappillan ta’ komunita’ hija grazzja straordinarja. Għalhekk lil Dun Karm Xerri kien jixraqlu nagħmillu bħala pro-ziju tiegħi dan l-apprezzament bħala «Il-Missjunarju ta’ Kemmuna». Huwa miet fl-Isptar Ġenerali ta’ Għawdex nhar it-3 ta’ Jannar 2021 Festa tal-Epifanija u tal-Isem Imqaddes tal-Mulej. Il-funeral tiegħu sar fis-santwarju Arċipretali tal-Qala mmexxi mill-Isqof ta’ Għawdex Mons. Anton Teuma nhar it-Tlieta 5 ta’ Jannar 2021.
Agħtih o Mulej il-Mistrieħ ta’ Dejjem.
Kitba: Fr Charles Buttigieg
Fid-dawl tal-Istqarrija tal-Isqfijiet ta’ Malta u Għawdex li hi annessa hawn taħt, il-pellegrinaġġ li kellu jsir nhar il-Festa – il-Ħadd, 2 t’Awwissu 2020 – bl-istatwa ta’ San Ġużepp u bix-xbieha devota tal-Madonna tas-Saħħa ġie kkanċellat.
In view of the statement issued by the Bishops of Malta and Gozo, the Festa pilgrimage that was to be held on Sunday, 2nd August, 2020 with the statue of St. Joseph and the devout image of Our Lady of Health has been cancelled.
Agħfas fuq ir-ritratt sabiex tara il-programm tal-festa Ġużeppina 2020 f’aktar dettall.
Jekk Alla jrid nhar l-Erbgħa li ġejja niċċelebraw l-aħħar Erbgħa ta’ San Ġużepp fejn huma nistiedna t-tfal kollha biex waqt li niċċelebraw jum it-tfal nagħlqu l-Erbgħat ta’ San Ġużepp u nagħtu bidu għall-festa b’differenza.
Aħna fid-dmir li nkomplu nsegwu d-direttivi mogħtija mill-Awtoritajiet tas-Saħħa kif ukoll mill-istess Kurja kif talbuna fil-bidunett tal-pandemija. U dan ser nagħmluh:
• b’rispett lejn dawk in-nies li ħadmu fil-qasam tas-saħħa, tant li ftit fadal nies infettati bil-virus
• b’sens ta’ solidarjieta’ lejn dawk in-nies li tilfu x-xogħol
• għal dawk li għaddew u qed jgħaddu mit-tbatija minħabba din il-pandemija.
Inkunu sinċieri, is-sitwazzjoni preżenti ma toffrix ambjent ta’ festa. Jekk f’pajjiżna, għall-grazzja t’Alla, fadal ftit infettati ma nistgħux ngħidu l-istess għal madwar il-bqija tad-dinja. Fl-Amerika biss il-Ħadd li għadda sabu 66,000 każ ġdid f’jum wieħed filwaqt li madwar id-dinja bħal issa hawn 13,000,000 infettati.
Hi tassew irresponsabiltà u nuqqas ta’ rispett li nippretendu li nagħmlu festa bħas-soltu għax is-sitwazzjoni preżenti ma toffrihx arja ta’ festa. Barra minn dan, minħabba n-nuqqas ta’ attivitajiet ta’ fundraising u ġbir tas-soltu għall-festa, il-parroċċa mhiex f’pożizzjoni li tagħmel festa bħas-soltu.
Inħeġġixkom ħafna, li filwaqt li tajjeb li nkomplu nżommu mad-direttivi tal-Awtoritajiet tas-Saħħa, nattendu bi ħġarna għan-novena bi tħejjija għall-festa. Imxu mal-programm li ssibu mal-bullettin li jkun ħdejn il-bibien tal-knisja.
Stedina qawwija mill-qalb hi biex nattendu bi ħġarna għall-pellegrinaġġ li ser nagħmlu f’jum il-festa bl-istatwa ta’ San Ġużepp u x-xbieha tal-Madonna tas-Saħħa li tintemm b’ċelebrazzjoni Ġużeppina fil-pjazza.
Ejjew ilkoll kemm aħna nitolbu lil Marija u lil Ġużeppi biex jkomplu jeħilsu lil pajjiżna u lid-dinja minn din il-pandemija.
Maħruġa mill-Uffiċċju Parrokjali Qala, l-Erbgħa, 15 ta’ Lulju 2020.